Reto nº6: Instrumentos ópticos

O último dos obxectos malditos, aparecido no conto O camiño, foi un anteollos, co que o protagonista pode ver acercarse o seu destino.

O anteollos (catalejo) é un instrumento óptico, un tubo con dúas lentes, para ver a longa distancia.
 Saberías ti identificar os seguintes instrumentos ópticos?

1. Instrumento óptico para observar corpos moi lonxanos, en especial corpos celestes.
2. Instrumento óptico que ten un par de tubos con varias lentes e un prisma, para ampliar imaxes.
3. Instrumento óptico para observar dende unha posición oculta, con espellos e prismas montados nun tubo vertical. Úsase nos submarinos.
4. Instrumento óptico con espellos e cristais de cores no seu interior, no que se poden ver diferentes figuras xeométricas simétricas.
5. Instrumento óptico con lentes de gran aumento, para ver seres ou obxectos tan pequenos que non se poden ver a simple vista.

Veña, a buscar...