As cousas da clase : abellas

Mostrando entradas con la etiqueta abellas. Mostrar todas las entradas

19/6/17

Trampas para avespas velutinas

As trampas que puxemos hai un mes comezaron a funcionar, e xa temos atrapado algún exemplar de avespas velutinas. Brais nos trouxo a ensinar algúns dos insectos atrapados.

28/3/17

Fabricamos máis trampas

E seguimos fabricando máis trampas para avespas velutinas. Xavi e Iria xa teñen as súas.

16/3/17

Fabricando trampas

Seguimos fabricando trampas para as avespas velutinas. Son moi fáciles de facer.
A ver se atrapamos moitas!

14/3/17

A Asociación de Apicultores, DAGA Morrazo, deu unhas charlas no colexio para concienciarnos da importancia de loitar contra as avespas velutinas.
Estes insectos pertencen a unha raza de avespas invasoras procedentes de Asia. Modifican os nosos ecosistemas e atacan as abellas, que teñen moita importancia na polinización das plantas.
É moi importante eliminar os seus niños e acabar con elas. Por iso ensináronnos a facer unhas sinxelas trampas con dúas botellas de plástico.

Só temos que encher as botellas cun preparado (feito a base de viño branco, cervexa negra, zume de arándanos e azucre) e colgalas, orientadas á saída do sol, nalgunha planta ou árbore frecuentada por estas avespas, e esperar a ver se atrapamos algunhas.

30/6/15

Proxecto: As abellas. O conto.

No Festival das Letras Galegas representamos o conto A colmea contaminada. Con esta historia elaboramos un libro do conto ilustrado por nós.

Conto A colmea (1) - Kizoa Movie Maker

Logo fomos ás aulas de Ed. Infantil para ler o conto aos alumnos.
Nós cremos que lles gustou moito.

Conto A colmea (2) - Kizoa Movie Maker

Conto A colmea (3) - Kizoa Movie Maker

29/6/15

Proxecto: As abellas (3)

Todos sabemos como producen mel as abellas.
Para comprobar o bo que está o mel fixemos unha degustación de mel, con tostadiñas de pan e queixo. Que boísimas estaban!

Proxecto: As abellas (2)

Dentro do proxecto das abellas fixemos moitas outras actividades.
Diego trouxo a clase os enlaces para ver un episodio de "El maravilloso mundo de los animales" de Disney, dedicado ás abellas.
Aquí vos deixamos o episodio, dividido en tres partes. É moi interesante e divertido!

25/6/15

Proxecto: As abellas (1)

Xa sabedes que durante este curso estivemos traballando As abellas, dentro do proxecto sobre o Medio Ambiente.
Fixemos moitas actividades. Empezamos no Entroido, disfrazándonos de abellas. No Festival representamos un conto: A colmea contaminada.
Na clase ademais decoramos a porta:

Javi trouxo a clase un trozo de panal dunha colmea:

E durante un tempo fomos recollendo moita información sobre as abellas, de libros, de Internet... e con todo elaboramos un mural.

3/6/15

Festival: fotos

Por fin as fotos do Festival!
Recordade que se podedes aportar máis fotos ou vídeos serán ben recibidos!

Festival 2015 - Kizoa Movie Maker

29/5/15

Festival 2015

Por fin chegou o Festival!
Dende este blog queremos darlle a noraboa! a todos os rapaces e rapazas de 3º polo bo traballo realizado no festival.
A pesar dos nervios, algún que outro disgusto coas ás e varios desaxustes cos audios, todos fixeron unha actuación excelente.
Todo un mes de traballo intenso: ensaiando, cantando, pintando, facendo os disfraces... e tamén pasándoo ben!
Agora quédanos esperar polas fotos, que espero que xa as teñamos o luns.
Se algún pai e nai quere achegarnos as súas fotos ou vídeos seran moi ben recibidos.
Moitas grazas a tod@s!