Experimentamos coa luz: A luz cambia de cor

Ágata e Uxía presentan o seu experimento coa luz: A luz cambia de cor.
Primeiro vimos a luz a través dun vaso de auga. O reflexo na parede é unha luz branca.
Logo vimos a luz a través dun vaso de auga con leite. O reflexo agora ten unha cor amarela alaranxada.

O leite serve de filtro e non permite que todas as cores presentes na luz branca pasen, só os alaranxados e vermellos chegan á parede. 
De maneira semellante, a atmosfera da terra, cos seus fumes e partículas de po, filtra a luz do sol cando esta entra de maneira inclinada, ao atardecer. Isto permite que se vexan os celaxes.
Ágata e Uxía

Experimentamos coa luz: A palliña rota

Eloy P. presentounos o seu experimento coa luz. Chámase A palliña rota.

A palla parece que está rota, por culpa da refracción da luz.
Nós vemos a luz que reflicte ese obxecto. A luz rebota nas cousas, por iso podemos ver cando hai luz, cando non hai luz non vemos.
Cando vemos a palliña non vemos a palliña, vemos a luz que reflicte na palliña.
Sabemos que a auga non pode curvar a palliña, é a luz a que está curvada. A luz cando chega á superficie da auga desvíase.
A luz viaxa máis rápido polo aire que pola auga. Cando choca contra a auga formando certo ángulo, pivota a outro ángulo.

Eloy P. 4ºB